Entrevista a Alexia Blanco, recentemente licenciada vinculada ao proxecto FISTERRA
“Sempre tiven claro que quería formar parte de proxectos innovadores e comprometidos co coidado do planeta”
Que supón para ti participar en FISTERRA, a nivel persoal e profesional?
Sempre me chamou a atención o sector das enerxías renovables, polo que poder participar neste proxecto dáme a oportunidade de contribuír a elas e aprender desde un punto de vista diferente.
Cando estabas a acabar a carreira, imaxinabas formar parte dun programa tan innovador con proxección internacional e clave para reducir a contaminación?
Mentres estudaba, tiña claro que quería formar parte de proxectos innovadores e comprometidos co coidado do planeta. Nunca pensei que en tan pouco tempo alcanzaría ese obxectivo e sería parte dun equipo pioneiro que aborda estes desafíos ambientais.
Que estás a aprender desta iniciativa e que valoración realizas de contar con outros perfís expertos de ámbitos públicos e punteiros como o CTAG e a UVigo?
Coa colaboración de CTAG e a Universidade de Vigo neste proxecto teremos a oportunidade de avanzar no noso sistema industrial desde diferentes ángulos. Dispoñer do respaldo destes perfís permítenos obter importantes avances ao contar cun soporte fiable e con experiencia neste tipo de programas.
CONTACTO
info@proxectofisterra.gal
Proxecto subvencionado polo Instituto Galego de Promoción Económica da Xunta de Galicia e cofinanciado pola UE.
Desenvolvido pola boutique de comunicación, márketing e visitas virtuais e experiencias Orestes Comunica.
